Бўлди, Манчестердан кетаман!

“Манчестер Юнайтед”га келганидан бери жамоа асосий таркибидан муқим жой ололмаётган нидерландиялик ҳужумчи Жошуа Зиркзее қишки трансферлар даврида клубни тарк этишга қарор қилди.

Mail Sport нашрининг ёзишича, 24 ёшли футболчи бош мураббий Рубен Аморим унга етарли даражада имконият бермаётганидан ҳафсаласи пир бўлган ва энг тўғри ечим сифатида бошқа жамоага ўтиш вариантини кўрмоқда.

Сўнгги маълумотларга қараганда, Зиркзеега “Милан”, “Ювентус”, “Эвертон” ва “Вест Хэм” сингари жамоалар мунтахам ўйин амалиёти беришга тайёр. Даъвогар жамоалар сафи яна кенгайиши мумкинлиги айтиляпти.

“Манчестер Юнайтед” Жошуани 2024 йилнинг ёзида “Болонья”дан 42,5 миллион еврога харид қилганди. Бироқ илгари Нидерландия, Германия, Бельгия ва Италияда тўп тепган Зиркзее Англия футболига тўлиқ мослаша олмади.