"Боруссия" ҳужумчисини Манчестерда кутишяпти
Режа амалга ошадими?
Англиянинг «Манчестер Юнайтед» клуби Гвинея терма жамоасининг 30 ёшли ҳужумчиси Серу Гирассини жамоага олиб келиш имкониятини ўрганмоқда. У ҳозирда Дортмунднинг «Боруссия» клуби шарафини ҳимоя қилмоқда.
Бу ҳақда TEAMtalk нашри хабар берди.
Манбага кўра, клуб раҳбарияти тайёр ҳолда майдонга тушиб, дарҳол натижа бера оладиган ҳужумчи изламоқда. Сабаби — жамоа олдидаги мусобақалар жадвали жуда зич: «Манчестер Юнайтед» бу мавсумда Англия премьер-лигаси билан бирга Чемпионлар лигасида ҳам иштирок этмоқда.
Серу Гирасси 2024 йилдан буён «Штутгарт» клубидан ўтиб, «Боруссия» таркибида тўп сурмоқда.
Жорий мавсумда у барча мусобақалар доирасида клуб учун олти ўйин ўтказиб, тўртта гол урди ва икки бор ҳамжамоаларига голли пас йўллади.
Изоҳлар (0)