Бош мураббий ишдан кетди

Белгия терма жамоаси бош мураббийи Руди Гарсия ўз лавозимини тарк этмоқда. Бу ҳақда Қироллик Белгия футбол федерацияси матбуот хизмати хабар берди.

– Белгия футбол ассоциацияси раҳбарияти билан маслаҳатлашган ҳолда, сўнгги 18 ой давом этган самарали ҳамкорлигимизни давом эттирмасликка қарор қилдик. Мен Белгияни Миллатлар лигасининг А дивизионида ва дунёдаги энг кучли саккизта терма жамоа қаторида қолдириб кетяпман, – дея Гарсиянинг сўзларидан иқтибос келтиради федерация матбуот хизмати.

Руди Гарсия 2025 йил 1 февралдан бери Белгия миллий жамоасига бошчилик қилиб келаётган эди. Ундан олдин бу лавозимда Москва “Спартак” клубининг собиқ мураббийи Доменико Тедеско ишлаган. Гарсия қўл остида белгияликлар Миллатлар лигасининг А гуруҳига кўтарилди ва 2026 йилги жаҳон чемпионатида чорак финалгача етди.

Франциялик мутахассис шунингдек “Наполи” (Италия), “Ан-Наср” (Саудия Арабистони), “Лион” ва “Марсель” (Франция) клубларида ҳам бош мураббий сифатида фаолият юритган. Жорий йил февраль ойида Руди Гарсия 62 ёшни қаршилади.