Брайан Ортега кутилмаган қарор қабул қилди

Ярим енгил вазн тоифасида (65,8 кг) UFC чемпионлигига собиқ давогар америкалик Брайан Ортега енгил вазнга ўтиш ниятида эканини айтди. “Мен UFC расмийлари билан гаплашдим ва улар менга ярим енгил вазнда рақиб йўқлигини айтишди. Шунингдек, бироз кутишимни сўрашди, лекин мен бўш туришни хоҳламадим. Бошқа дивизионда ўзимни синаб кўришимни билдирдим. Энди жуда ҳам ёш эмасман ва доимо фаол бўлишни хоҳлайман”, – деди Брайан Ортега Submission Radio каналига берган интервьюсида. Эслатиб ўтамиз, Ортега(16-3-1 N/C) июнь ойида "UFC 303" турнирида Диэго Лопес(25-6) билан жанг ўтказиши керак эди, бироқ баъзи сабабларга кўра баҳс "UFC 306" га кўчирилди.