Бразилия жиддий йўқотишга учради

ЖЧ-2026 гуруҳ босқичи иккинчи турида Гаитига қарши ўйинда Бразилия терма жамоаси жиддий муҳим йўқотишга учради – Рафинья Диас жароҳат олиб майдонни тарк этди.

«Барселона» ярим ҳимоячиси учрашувнинг 40-дақиқасида, ҳисоб 2:0 бўлиб турган пайтда, мажбурий тарзда алмаштирилди. Қолган дақиқаларда бразилияликлар яна бир гол уриб, учрашувни йирик ҳисобдаги ғалаба – 3:0 билан якунлашди.

«Рафиньянинг аҳволи эртаси куни тўлиқ баҳоланади. Ҳозирча у соннинг орқа қисмидаги мушакни қай даражада жиддий шикастлаганини аниқ билмаймиз», – дея Карло Анчелотти. Бразилия терма жамоаси бош мураббийининг сўзларини испан нашрлари келтирмоқда.

Инсайдерлар маълумотига кўра, 29 ёшли футболчи катта жароҳатдан қутулиб қолган бўлиши мумкин. Бироқ унинг майдонга қайтиши учун аниқ муддатлар ҳозирча очиқланмаган.

«Пентакампеонлар» гуруҳ босқичининг сўнгги турида Шотландияга қарши баҳс олиб боради.