Бразилиянинг ғалабсиз ўйинлар серияси барҳам топди

БААдаги "Муҳаммад бин Зайед" стадионида кечган учрашувда "пентакампеонлар" 3:0 ҳисобидаги йирик ғалабани қўлга киритишди. Голларга Лукас Пакета, Филиппе Коутиньо ва Данилолар муаллифлик қилишди.

Шу тариқа бразилияликлар ўзларининг 5 ўйинлик ғалабасиз серияларига барҳам беришди. Улар бундан олдин Аргентина (0:1) ва Перуга (0:1) имкониятни бой беришган ва Колумбия (2:2), Сенегал (1:1) ҳамда Нигерия (1:1) билан дуранг ўйнашган эди.

Бразилия – Жанубий Корея 3:0 (2:0, 1:0)

Голлар: 1:0 – 9 Лукас Пакета, 2:0 – 36 Коутиньо, 3:0 – 60 Данило.

Бразилия – Алиссон, Лоди (Эмерсон, 88), Данило, Маркиньос, Милитао, Коутиньо, Фабиньо, Лукас Пакета (Фирмино, 84), Артур (Дуглас Луис, 80), Ришарлисон, Габриэл Жезус (Родриго, 88).

Жанубий Корея – Чжо Хен У, Ким Мин Чжэ, Ким Ен Гвон, Ким Чжин Су, Ким Мун Хван, Чжон У Ен, Чжу Се Чжон (Хван Ин Бом, 88), Ли Чжэ Сон (Квон Чхан Хун, 76), Сон Хён Мин, Хван Хи Чхан (На Сан Хо, 65), Хван Ий Чжо.

Огоҳлантириш: Хван Хи Чхан (34).