Бу ишни Акбар Жўраевдан бошқаси эплолмаган эди...

Хабар берганимиздек, ҳамюртимиз Акбар Жўраев бугун оғир атлетика бўйича эркаклар ўртасида -102 кг вазн тоифасида ўтказилган муросасиз баҳс якунида кумуш медални қўлга киритди.

Эътиборлиси, 24 ёшли полвонимиз икки карра Олимпия ўйинлари шохсупасига кўтарилган ўзбекистонлик илк оғир атлетикачига айланди. Акбар Жўраев Токио-2020 ёзги Олимпия ўйинларида -109 кг вазн тоифасида олтин медални қўлга киритган эди.