Бу жамоа 1000-голини урди
Тарихий натижа
Германия чемпионати 2024 йилги мавсумининг еттинчи турида «Хоффенхайм» ўз майдонида Леверкузеннинг «Байер» жамоасини қабул қилди.
Учрашувдаги ҳисоб ўйин тугашига ўн дақиқа қолганда очилди – пенальтини аниқ амалга оширган Андрей Крамарич жамоасини олдинга олиб чиқди.
Маълум бўлишича, Крамарич урган ушбу гол «Хоффенхайм» учун Германия чемпионатлари тарихидаги юбилей, яъни мингинчи гол бўлди. Шундан сўнг майдон эгалари яна икки бор рақиб дарвозасини ишғол этиб, «аптекачилар»ни йирик ҳисобда мағлуб этди.
Кейинги, саккизинчи турда «Хоффенхайм» сафарда Бременнинг «Вердер» клубига қарши майдонга тушади. Ушбу беллашув октябрь ойининг сўнгги кунига белгиланган.
Изоҳлар (0)