Бу жамоани бепул бошқараман!

Англиялик мутахассис Гарри Реднапп Англия Премьер-линасида ишлари юришмаётган Лондоннинг “Вест Хэм” клубида бош мураббий лавозимини эгаллашга тайёр эканини билдирди.

Тажрибали мураббий бу жамоага ишга таклиф қилинган тақдирда, маош олмай ишлашга розилигини ҳам таъкидлади.

- Мен “Вест Хэм”да  бепул ишлашга тайёрман. Агар кимдир мени таклиф қилса, пулсиз ҳам бораман. Менга футболчилар билан ишлаш ёқади.

Футболнинг нозик томонларини биламан, бу ракета яратиш эмас. Ўйинчилардан максимал даражада фойдаланиш керак. Улар имкониятларининг чегарасида ўйнаши шарт, - деди Реднапп Talksport нашри вакилларига.

“Вест Хэм” жорий мавсумда бўш ўйнамоқда. “Болғаурарлар” жами 14 очко билан турнир жадвалида 18-ўринда бормоқда.