Bugun 10 nafar bokschimiz final yo‘llanmasini qo‘lga kiritdi!

Osiyo chempionatida o‘smir o‘gil bolalar o‘rtasida bugun yarim finallar start oldi.

Dastlabki bahsda -46 kg da yurtimiz sharafini himoya qilayotgan Abdulloh Nuraliev  hindistonlik Nella Kumarga qarshi ringga ko‘tarildi. Keskin kurashlarga boy o‘tgan jangda Nuraliev 5:0 hisobida g‘alaba qozonib, finalga yo‘l oldi!

48 kg: Bu vazn toifasida Kamronbek Bahodirov yarim finalda iordaniyalik Salte Alhadadi bilan to‘qnash keldi. Jang ikkinchi raundda Bahodirovning texnik nokautli g‘alabasi bilan yakunlandi. 

-52 kg: Oybek Alimjonov Ishtirokidagi yarim final bahsi ham yakunlandi. U eronlik Abolfazl Malekka qarshi ringga ko‘tarildi. Butun jang mobaynida ustunlik qilgan vakilimiz, yakunda 5:0 hisobida zafar quchdi.

-54 kg: Abdulbosit Yursinboev yarim final jangida hindistonlik Pal Niveshga qarshi ringga ko‘tarildi. 
Juda qiziqarli kechgan to‘qnashuvda vakilimiz 5:0 hisobida g‘alaba qozondi va final yo‘llanmasini yo‘lga kiritdi. 

-60 kg: Ahmadxon Abdusattorov ishtirokidagi yarim final bahsi yakunlandi. Qirg‘izistonlik Erbol Baratoxunovga qarshi ringga ko‘tarilgan vakilimiz, ishonchli harakatlari bilan 4:1 hisobida zafar quchdi va finalga yo‘l oldi!

-63 kg: Rushen Saydullaev yarim finalda mo‘g‘ulistonlik Battamuulen Batboldga qarshi ringga ko‘tarildi.
Jangda juda katta ustunlikka erishgan Saydullaev 3 raundda kelib, texnik nokaut bilan g‘alaba qozondi. 

-66 kg: Bahodir Xoliqulov va turkmanistonlik Yunus Masharipov o‘rtasidagi yarim final jangi nihoyasiga yetdi. Barcha raund davomida vakilimiz raqibdan bir bosh ustun ekanini namoyish qilib, yakunda 5:0 hisobida g‘alaba qozondi va final yo‘llanmasini qo‘lga kiritdi!

-70 kg da yurtimiz sharafini himoya qilayotgan Abduvohid Abdumajidov final yo‘lida hindiston Naman Kumar bilan o‘zaro bahs olib bordi. 1 raundda 3:2 hisobida g‘alaba qozongan vakilimiz, 2 raundda huddi shu hisobda imkoniyatni boy berib qo‘ydi. Hal qiluvchi raundga kelib, Abdumajidov haqiqiy iroda ko‘rsatdi va yakunda 3:2 hisobida zafar quchib, finalga yo‘l oldi.

-75 kg: Marufjon Toshpulatov va qirg‘izistonlik Nurtilеk Jorobaev jangi muddatdan avval yakunlandi. Vakilimiz 2 raundga qadar uch bor hisobni ochishga muvaffaq bo‘ldi. Shundan so‘ng hakam jangni to‘xtatdi va g‘alaba Toshpulatovga berildi!  Bizda yana bir finalchi!

Vanihoyat hamyurtlarimiz ishtirokidagi yarim finallar yakunlandi! -80 kg vaznda Samandarbek Umarov Qirg‘iziston vakili Amirxon Kurmanbekovga qarshi ringga ko‘tarildi. Umarov 2 raundda hisobni ochdi. 3 raundda esa raqibni texnik nokautga uchratib, final yo‘llanmasini naqd qildi!