Бугун беш боксчимиз ярим финал учун беллашади
Ads
Санкт-Петербург шаҳри мезбонлик қилаётган бокс бўйича ёшлар ўртасидаги жаҳон чемпионатида чорак финал учрашувлари ўтказилади.
 
Ўзбекистон терма жамоаси аъзолари ҳам ярим финал йўлланмаси учун ўтказиладиган беллашувларда куч синашади.
 
91 килограмм вазн тоифасида рингга чиқаётган ўзбекистонлик боксчи Шоҳруз Раҳимов ярим финал йўлланмаси учун бўладиган беллашувда Англия вакили Люис Уильямсга қарши жанг ўтказади.
 
Вазни 52 килограммгача бўлган боксчилар ўртасида кетма-кет ғалабага эришаётган Отабек Холматов чорак финалда Доминикан Республикаси вакили Луис Рейналдо Нуньес Москуе билан беллашади.
 
Шоҳруҳ Рустамов эса 75 килограмли боксчилар беллашувида германиялик Везир Агирманга қарши жанг олиб боради.
 
Оғирлиги 56 килограмм боксчилар мусобақасида Шунқор Абдурасулов ярим финалга чиқиш учун хитойлик
Жианмин Зенгни енгиши керак.
 
60 килограмм вазн тоифасида жанг ўтказаётган Билолбек Мирзараҳимов эса чорак финалда кучли рақибга тушиб қолди. Билолбек ярим финалга чиқиш учун россиялик Беслан Ҳамзаевдан устун келиши талаб этилади.
 
Муҳим учрашувларда ўзбек боксчиларига ғалаба тилаймиз!
 
SPORTS.uz