Бугун биатлон бўйича янги мавсум старт олади

Бугун қишки спорт турлари орасида ўз жозибаси ва мухлисларига эга бўлган биатлон спорт тури бўйича янги мавсум старт олади. Анъанага кўра, мавсумнинг биринчи босқичига Швециянинг Эстерсунд шаҳри мезбонлик қилади. 

Тошкент вақти билан 17:10 да мавсумнинг дастлабки пойгасига старт берилади. Унда биатлончилар сингл-микст йўналиши бўйича рақобат олиб боришади. 19:00 дан эса аралаш эстафета баҳслари биатлон мухлисларини кутиб турибди. 

Эслатиб ўтамиз, ўтган йилги мавсумда эркаклар ўртасида норвегиялик Йоханнес-Тинес Бьё, аёллар ўртасида италиялик Доротея Вирер ғолиб чиққан эди. Эътиборлиси, бугунги баҳсларда ҳар икки биатлончи ҳам ўз жамоасининг бошланғич таркибига киритилган. 

Эстерсундда ўтадиган биринчи босқич тақвими қуйидагича: 

30 ноябрь – сингл-микст (17:10, Тошкент вақти билан)
30 ноябрь – аралаш эстафета (19:00)
1 декабрь – спринт (эркаклар) (16:30)
1 декабрь – спринт (аёллар) (19:30)
4 декабрь – яккалик пойга (эркаклар) (20:15) 
5 декабрь – яккалик пойга (аёллар) (20:20)
7 декабрь – эстафета (эркаклар) (21:30)
8 декабрь – эстафета (аёллар) (19:30)

Фикрлар

Фикр қолдириш учун авторизациядан ўтинг!