Бугун “Женоа” ўйнайди. Элдор Шомуродовчи?

Бугун Италия А Серияси 8-туридан ўрин олган “Удинезе” – “Женоа” баҳси бўлиб ўтади.

Генуяликлар устози Роландо Маран сафардаги учрашувга 23 футболчини жалб қилди. Улар орасида яқиндагина жароҳатини даволаб, сафга қайтган Элдор Шомуродов ҳам бор. Беллашув Тошкент вақти билан 22:00да бошланади.

“Женоа” А Серияда 7 ўйинда 5 очко ишлади. Унинг бугунги рақиби эса, 7 турда 4 очко жамғарган.

Мазкур беллашувда ҳужумчимиз Элдор Шомуродовнинг майдонга тушиши кутилмоқда. Чунки тезроқ жамоа услубига мослашиб кетиши учун ўйинларда унга имконият берилиши тахмин қилиняпти.