Бугун Ўзбекистоннинг рақибини аниқлаб оламиз

20 ёшгача бўлган футболчилар ўртасида Осиё Кубоги учрашувлари давом этмоқда. Бугун ушбу турнирнинг чорак финали доирасида яна икки учрашув бўлиб ўтади. 

Дастлаб, 15:00да Жанубий Корея ҳамда Хитой терма жамоалари ярим финал йўлланмаси учун майдонга чиқади. Мазкур беллашув ғолиби Ўзбекистон терма жамоасига қарши финал остонасида кураш олиб боради. 

Шунингдек, 19:00да Япония ҳамда Иордания терма жамоалари иштирокидаги баҳс ҳам бўлиб ўтиши режалаштирилган. Мазкур жуфтлик ғолиби ярим финалда Ироқ билан куч синашади. 

Қайд этиш лозим, кеча ҳамюртларимиз Австралияни пенальтилар сериясида мағлуб этиб,(1:1, 5:4) ярим финалга йўл олди.