"Челси" Америкадан ҳужумчи олиб келади

АҚШнинг «Филадельфия Юнион» клуби ҳужумчиси Малик Якупович Европага йўл олиши мумкин. Бу ҳақда Sky Sports хабар бермоқда.

Манбага кўра, 17 ёшли ёш истеъдод учун «Челси» ҳамда Дортмунднинг «Боруссия» жамоаси жиддий қизиқиш билдирмоқда. Иккала клуб ҳам ёш форвард трансфери учун тахминан 3 миллион евро таклиф қилишга тайёр.

Шу билан бирга, «Филадельфия Юнион» ўз футболчисини анча қимматроқ баҳоламоқда. Америка клуби Якупович учун 10 миллион евродан ортиқ миқдорда маблағ ишлаб олишни кўзламоқда.

Маълумот учун, Малик Якупович АҚШнинг 17 ёшгача бўлган терма жамоаси сафида 9 ўйинда майдонга тушиб, 12 та гол урган.