«Челси» Эмилиано Мартинесга қизиқмоқда

Лондоннинг «Челси» клуби «Астон Вилла» дарвозабони Эмилиано Мартинесни ўз сафига қўшиб олиш имкониятини кўриб чиқмоқда. Аргентиналик посбоннинг вакиллари унинг номзодини лондонликларга таклиф этгани айтилмоқда. Шунинг ортидан «Челси» раҳбарияти эҳтимолий трансфер масаласига жиддий қизиқиш билдирган.

Ҳозирча томонлар ўртасида Мартинеснинг эҳтимолий ўтиши бўйича дастлабки музокаралар олиб борилаётгани хабар қилинмоқда.

Мартинеснинг трансфер бозорида пайдо бўлишига «Астон Вилла»нинг япониялик дарвозабон Дзён Судзукини сотиб олгани сабаб бўлди. Шу тариқа бирмингемликлар 33 ёшли аргентиналик посбонни сотиш вариантларини кўриб чиқишга тайёр экани маълум бўлди. Аввалроқ Мартинесга «Ювентус» жамоаси ҳам қизиқиш билдирган, аммо туринликлар билан музокаралар келишувсиз якунланган.

Эмилиано Мартинес «Астон Вилла» сафида 2020 йилдан буён тўп сурмоқда. Унинг клуб билан амалдаги шартномаси 2029 йилгача мўлжалланган. Янги мавсумда эса аргентиналик дарвозабон ҳали майдонга тушгани йўқ.