"Челси" Эстевао бўйича кутилмаган қарорга келди

Лондоннинг «Челси» клуби бразилиялик вингер Эстевао Виллианга яхшиланган янги шартнома таклиф қилишни режалаштирмоқда, деб хабар бермоқда ESPN Brasil нашри ўз манбасига таяниб.

Бу қарор футболчининг Хаби Алонсо қўл остида майдонга тушиш вақтидан қониқмаётганига қарамай қабул қилинган. Аввалроқ оммавий ахборот воситаларида, агар ҳозирги ҳолат ўзгармаса, 19 ёшли вингер қишки трансфер ойида, яъни январда жамоани тарк этиш ҳақида ўйлаб кўриши мумкинлиги ҳақида хабарлар пайдо бўлган эди.

Эстеваонинг амалдаги шартномаси 2033 йил ёзигача мўлжалланган. Шунга қарамай, «Челси» раҳбарияти уни клубнинг узоқ муддатли лойиҳасида муҳим фигура сифатида кўрмоқда ва 2027 йилда сотиш вариантни умуман кўриб чиқмаяпти. Лондон клуби футболчининг ривожланиш жараёнини эҳтиёткорлик билан бошқаришни режалаштирмоқда ва мавсум давомида уни яхшиланган шартнома билан рағбатлантиришни мақсад қилган.

Жорий мавсумда Эстевао Англия Премьер-лигасида бор-йўғи 16 дақиқа майдонга тушди. Лига кубоги доирасида «Лидс»га қарши ўйинда эса у биринчи бўлим якунлангач алмаштириб юборилган. Ўтган мавсумда эса вингер 36 та учрашувда майдонга тушиб, 8 та гол урган ва 4 та голли пас берган.