"Челси" Кукурельяга ўринбосар изламоқда

Лондоннинг "Челси" клуби ҳимоячи Марк Кукурельянинг эҳтимолий кетишига тайёргарлик кўрмоқда.

Манбаларга кўра, испаниялик футболчига Ла Лиганинг бир қатор топ-клублари қизиқиш билдирмоқда. Шу сабабли "кўклар" унинг ўрнини босиши мумкин бўлган номзодлар рўйхатини шакллантирган.

Рўйхатдан Туриннинг "Ювентус" клуби ҳимоячиси Андреа Камбьясо, Франкфуртнинг "Айнтрахт" жамоаси футболчиси Натаниэль Браун ҳамда Леверкузеннинг "Байер" клуби вакили Алехандро Гримальдо ўрин олган.

Эслатиб ўтамиз, яқинда "Челси" бош мураббийи лавозимига испаниялик мутахассис Хаби Алонсо тайинланган эди.

Ўтган мавсум якунларига кўра, Лондон клуби Англия Премьер-лигасида 52 очко жамғариб, турнир жадвалида ўнинчи ўринни эгаллаган.