“Челси” муҳим трансферни расман эълон қилди

Лондоннинг “Челси” клуби 18 ёшли ҳимоячи Хонест Аханорни “Аталанта”дан сотиб олганини расман эълон қилди. Бироқ футболчи “аристократлар” сафига 2027 йил ёзида қўшилади, дея хабар берди клуб матбуот хизмати.

- “Челси” Италиянинг “Аталанта” клубида ўйнаётган италиялик ҳимоячи Хонест Аханорнинг трансфери бўйича келишувга эришди. Футболчининг клубга расмий қўшилиши 2027 йилга режалаштирилган, -  дейилади лонлонликлар клуби матбуот хизмати хабарида.

Матбуотдаги маълумотларга кўра, трансфер қиймати 47 миллион еврони ташкил қилган. Футболчининг бозордаги қиймати эса анча арзон – 30 миллион еврога баҳоланмоқда.

2026/2027 йилги мавсумда Аханор ижара асосида “Кристал Пэлас” сафида ўйнайди.

18 ёшли Аханор ўтган мавсумда “Аталанта” таркибида 35 та учрашувда майдонга тушган. Бу унинг Бергамо клубидаги биринчи мавсуми бўлган. Ҳимоячи 2025 йил июль ойида “Женоа”дан “Аталанта”га кўчиб ўтган.

Шунингдек, 18 ёшли футболчи Италия миллий терма жамоасида ҳам дебют қилган.