"Челси"нинг кейинги режалари қандай?

Сўнгги 2 йил "Челси" учун энг ёмон мавсумлардан бири бўлди. Айниқса, Томас Тухелнинг истеъфосидан кейи "аристократлар"нинг ўзига келиши қийин бўлди. Дастлаб, Грэм Поттер билан шартнома имзолаган клуб уни ўз лавозимидан озод қилди. Шундан сўнг Френк Лэмпард жамоани вақтинчалик бошқариб, мавсумни 12-ўрин билан якунлади. Раҳбарият афсонани олиб қолмади, балки янги мураббий излашга тушди ва Мaурисио Почеттино танланди. Аргентиналик мутахассис учун ҳаммаси яхши кетаётгани йўқ эди. Ҳатто мавсум ўртасида унинг жамоани тарк этиши ҳақида миш-мишлар чиқа бошлади, лекин "Челси" унга кўпроқ имконият беришга қарор қилди. Сўнгги 5 та ўйиндан бери мағлубият нималигини билмай келаётган клуб устозининг истеъфога чиқиши ҳаммани ҳайрон қолдирди. Аммо қарор анча олдин қабул қилинган бўлса ажаб эмас. 

Тодд Бэйли Почеттинонинг қолишига рози эди. Унга охирги натижалар маъқул келган. Аммо Беҳдад Эгбали мураббий ишлашда давом этса, жамоа учун келаси мавсум яхши ўтишига кафолат йўқлиги сабабли у билан келишган ҳолда ҳаммасига якун ясади. Айрим манбалар Моурисионинг машғулот услуби эски эканлиги раҳбариятга эса янгича қарашларга эга бўлган мутахассис кераклигини айтмоқда. Бу шуни англатадики, "Челси" янги бош мураббий танлашда катта номларга умуман эътибор қаратмайди.

Почеттино кетишини эълон қилиши билан Томас Тухель варианти раҳбарият учун қизиқ бўлиши тахмин қилинди. Сабаби, у клуб билан Чемпионлар лигасини қўлга киритган, яқиндагина "Бавария"дан кетган ва АПЛга қайтишга тайёр бўлган мураббийдир. 50 ёшли немиснинг ўзи ҳам "аристократлар"ни яна қабул қилиб олишга қарши эмас, лекин клуб унга таклиф билан чиқмайди. Шунингдек, Ханс-Дитер Флик Лондонга йўл олишга рози бўлиб турибди, деган миш-мишлар бор, лекин бундай хабарлар инқор ҳам қилинмоқда. Германиянинг собиқ устози бундан олдин "Бавария" ва "Барселона" қизиқиш доирасида бўлиб турганди. Аммо у билан ҳозир ҳеч ким фаол музокаралар олиб бормаяпти. Эгбали учун нафақат, Флик ва Тухель варианти қизиқ эмас, балки у Жозе Моуриньо ёки Антонио Конте ҳақида ўйлаб ҳам ўтиргани йўқ. Беҳдадни қизиқтираётган мураббийлар бошқа...

Юқорида айтиб ўтилганидек раҳбарият янгича қарашларга ва услубга эга бўлган мураббийларни изламоқда. Энг асосийси клуб янги даврни бошлаш нияти йўқ. Келган мутахассис ҳозирги таркибни "бузиб қўйиши" кераги йўқ. У мана шу даврни давом эттира олиши лозии. Айниқса, ажойиб мавсум ўтказган Коул Пальмер учун келажакда муаммо бўлмаслиги шарт бўлади. Номзодлар орасида энг кўп тилга олинаётгани бу "Штутгарт" устози Себастьян Хёнессдир. "Лёпциг" ва "Бавария" ёшлар жамоаларида ишлаган ва ўтган йили штутгартликларни қабул қилиб олиб, бир мавсумда Бундеслигада қолиш учун курашадиган таркибни Чемпионлар лигасига йўл олган жамоага айлантирди. Айниқса унинг 5 та шогирди "Евро-2024"да иштирок этиш учун Германия терма жамоасидан чақирув олгани таҳсинга сазовордир.

Раҳбарият томонидан муҳокама қилинаётган мураббийлар орасида Энцо Мореска ("Лестер Сити") ҳам бор. Хосеп Гвариоланинг ёрдамчи мураббийи бўлиб ишлаган 44 ёшли италиялик ўтган мавсум бошида "тулкилар"ни қабул қилиб олиб, уларни нафақат АПЛга олиб чиқди, балки Чемпионшип чемпионига айлантирди.

Шунингдек, "Челси" "Жирона"дан Мичел ва "Ипсвич Таун"дан Киран Маккенна учун ҳам курашга қўшилди. Мана шу мураббийлардан бирини танлаганидан кейин клуб музокараларни бошлайди, лекин айни пайтда бундай турдаги мутахассисларни олиб келиш қийин бўлади.

Шунингдек, "Челси" "Жирона"дан Мишел ва "Ипсвич Таун"дан Киран Маккена учун ҳам курашга қўшилди. Мана шу мураббийлардан бирини танлаганидан кейин клуб музокараларни бошлайди, лейин айни пайтда бундай турдаги мутахассисларни олиб келиш қийин бўлади. 

Фабрицио Романо, Флориан Плеттенберг, Кристиан Фальк ва Мэтт Лоуларнинг инсайдларидан фойдаланилди.