Чемпионларга теккан қарғиш!

Кеча бўлиб ўтган Италия ҳамда Швейцария терма жамоалари ўртасидаги беллашувда итальянлар 2:0 ҳисобида рақибга имкониятни бой бериб қўйди. Беллашувнинг 37-дақиқасида Ремо Фройлер ҳисобни очган бўлса, 46-дақиқада Рубен Варгас орадаги фарқни иккитага етказиб қўйди. Амалдаги чемпионларнинг Германия яшил майдонларидаги сафари шу нуқтада якунланди. 

Ушбу натижа аввалги икки Еврода бўлган воқеа билан узвий боғлиқ.

Гап шундаки, 2016 йили амалдаги чемпион сифатида Европа чемпионатига ташриф буюрган Испания терма жамоасит 1/8 финалда Италияга 0:2 ҳисобида мағлуб бўлиб турнирни тарк этган. Беллашувнинг 33-дақиқасида  Жоржо Кьеллини ўйинда ҳисобни очади ва баҳс якунига яқин Грациано Пелле "Қизил Фурия"нинг устидан "муздай сув қуйиб юборади". Испанлар "Евро-2012"да айнан Италияни финалда таслим этиб, мусобақада ғолиб чиққанди. 



Худди шу ҳолат 2020 йилда Португалия билан ҳам содир бўлган. "Евро-2016" турнирида гуруҳдан 3-ўрин билан аранг чиқиб, плей-офф баҳсларида ҳам катта қийинчиликка дуч келган португаллар финалда қутурган французларни ҳам таслим эта олган. Бироқ чемпионлар 2021 йилда ўтказилган "Евро-20202"да Бельгияга айнан 1/8 финалда мағлуб бўлган (0:1). Торген Азарнинг 42-дақиқада урган голи баҳс тақдирини ҳал қилган. Гарчи, ўша учрашувда Роналду ва унинг жамоадошлари "ҳужумлар ёмғирини" амалга ошириб, учрашувда яққол устунлик қилган бўлса ҳам "қора анъана"нинг давом этишига қарши чиқа олишмаган.

Кетма-кетлик "чиройли тарзда" давом этди ва амалдаги чемпионлар ҳозир давом этаётган Евро 2024 турнирида Швейцарияга мағлуб бўлди. 


 
"Евро-2024" турнири давом этмоқда ва биз яқин вақтлар ичида кейинги турнирнинг 1/8 финалида мусобақани тарк этадиган терма жамоани аниқлаб оламиз!