Дьёкерешга бирданига тўрт даъвогар чиқди

Лондоннинг «Арсенал» жамоаси марказий ҳужумчиси Виктор Дьёкереш асосий таркибдаги ўрнини йўқотгани ортидан клубни тарк этиши мумкинлиги ҳақида хабарлар кучаймоқда.

Футбол инсайдера Экрем Конур маълумотига кўра, швед форвардига бир вақтнинг ўзида бир нечта жамоа даъвогарлик қилмоқда. Унга Италиянинг икки гранди — туринлик «Ювентус» ва «Милан», шунингдек, Саудия Арабистонининг «Ал-Ахли» ҳамда «Ал-Иттиҳод» клублари қизиқиш билдирган.

Маълумотларга қараганда, Дьёкереш «канонирлар»даги ҳозирги ҳолатидан мамнун эмас. Бош мураббий Микель Артета ҳужум чизиғида асосий ишончни немис футболчиси Кай Хаверцга билдирмоқда, бу эса швед футболчисининг майдонга тушиш имкониятларини кескин камайтириб қўйган.

Виктор Дьёкереш ўтган йил ёзида «Арсенал» сафига қўшилган эди. У клуб билан беш йиллик шартнома имзолаган. Ҳозирги пайтда футболчининг тахминий трансфер қиймати 65 миллион евро атрофида баҳоланмоқда.