"Сити"дан ҳимоячи олмасак бўлмайди
Таркибни кучайтириш керак
«Милан» марказий ҳимоя чизиғини кучайтириш мақсадида «Манчестер Сити» футболчиси Рубен Диаш номзодини кўриб чиқмоқда. Бу ҳақда Foot Mercato нашри хабар берди.
Манбанинг маълумотига кўра, ҳозирча «Милан» томонидан расмий таклиф юборилмаган. Шу билан бирга, клуб футболчининг ўзи билан ҳам ҳали келишувга эришмаган. Рубен Диашнинг «Манчестер Сити» билан амалдаги шартномаси 2029 йил ёзигача мўлжалланган. Аввалроқ англиялик клуб ҳимоячини сотиш ёки жамоадан кетказиш нияти йўқлигини бир неча бор таъкидлаган эди.
29 ёшли Диашнинг трансфер қиймати Transfermarkt портали баҳосига кўра 55 миллион еврони ташкил этади. У ўтган мавсумда 33 та учрашувда майдонга тушиб, 2 та гол урди ва 4 марта огоҳлантирув (сариқ карточка) олди.
Изоҳлар (0)