Даниил Медведев чорак финалга йўл олди

Канаданинг Монреаль шаҳрида эркаклар ўртасида “Мастерс” туркумига кирувчи турнирнинг учинчи давра баҳслари давом этмоқда.

Унда россиялик теннисчи Даниил Медведев чилилик Кристиан Гаринга қарши баҳс олиб борди ва 6:3, 6:3 ҳисобида рақибини таслим этди.

Шу тариқа "Rogers Cup" мусобақасининг 1/4 финалига чиққан Медведев, энди австриялик Доминик Тимга қарши кортга чиқади.