Дастин Порье ақлдан озмоқда(ми?)
Таниқли ММА устаси фаолиятини якунлагач жуда катта руҳий стрессни бошдан кечиряпти
Таниқли ММА устаси Дастин Порье фаолиятини якунлагач жуда катта руҳий стрессни бошдан кечирмоқда.
"Спортдан кетиш қўрқинчли. Энди вақтим кўп, жангларга тайёрланишим ҳам шарт эмас. Ҳозир тушкунликка тушиб қолдим, деб айтолмайман, лекин нима қилишни билмаётганим рост. Сўнгги 20 йил давомида ҳар куни шундай фикр билан уйғонардим: "Қандай қилиб жангчи сифатида яхшиланишим мумкин? Услубимга қандай янгилик қўшсам бўлади? Қандай қилиб чемпион бўламан?"
Қўлқопингни михга осгач эса, уйғониб, оддий одам эканингни тушуниб етаркансан. Бу даҳшат. Машғулот ва жанглар 20 йил давомида бошимдан кетмаган булутга ўхшайди. Энди эса уйғонсам, улар йўқ. Нима қилишим керак, билмадим", - деди америкалик.
Эслатиб ўтамиз, Дастин Порье 2025 йил 19 июль куни "UFC 318" турнирида Макс Холлоуэйдан мағлубиятга учрагач, фаолиятини якунлаганди.
Изоҳлар (0)