Давид Райя — АПЛнинг энг яхши дарвозабони

"Арсенал" дарвозабони Давид Райя жорий мавсум АПЛнинг энг яхши посбони сифатида эътироф этилди.

Испаниялик кипер чемпионатда 17 та "қуруқ" ўйин ўтказди. Унинг энг яқин таъқибчиси Жанлуижи Доннарумма ҳисобида эса 13 та шундай ўйин бор.

"Манчестер Сити"га мавсум якунигача яна тўртта ўйин қолган. Агар Доннарумма ушбу баҳсларнинг барчасида гол ўтказмаса ва Райя "Арсенал"нинг қолган учта ўйинининг ҳар бирида гол ўтказиб юборса, унда улар мукофотни бўлишиб олишади.

Шу тариқа, Райя "Олтин қўлқоп"ни кетма-кет учинчи мавсум қўлга киритади. Бунгача бундай натижага фақат Хосе Рейна, Жо Харт ва Эдерсон эришган эди.