"Davis Cup": Терма жамоамизнинг рақиби аниқ бўлди

Халқаро теннис федерацияси томонидан келаси йили эркаклар ўртасида ўтказиладиган "Davis Cup" турнирининг саралаш баҳсларига қуръа ташланди.

Қуръа натижасига кўра, Сербия ва Франция терма жамоалари тўғридан-тўғри Испаниянинг Мадрид шаҳрида ўтадиган финал босқичининг гуруҳ баҳслари учун йўлланмани қўлга киритди.

Қолган 12 та терма жамоа эса 2020 йилнинг 6-7 март куни бошланадиган саралаш босқичида иштирок этади. Унда Ўзбекистон терма жамоаси Америка Қўшма Штатлари термасига қарши сафарда ўйин ўтказади.

Эслатиб ўтамиз, Ўзбекистон ва АҚШ терма жамоалари мазкур мусобақада сўнгги маротаба 2015 йилда пойтахтимизда ўзаро куч синашган эди.