Де Йонг "Барселона"да қолишини айтди

"Барселона" ярим ҳимоячиси Френки де Йонг клуб билан шартномасини узайтирмоқчи. Бу ҳақда журналист Ферран Мартинес хабар берди.

Манбанинг хабарига кўра, нидерландиялик футболчи кийиниш хонасида келишувни узайтиришга тайёрлигини айтган. 27 ёшли хавбекнинг "кўк-анорранглилар" билан амалдаги шартномаси 2026 йилнинг ўрталарига қадар тузилган. Трансфермаркт портали маълумотларига кўра, футболчининг нархи 45 миллион еврога баҳоланмоқда.

Маълумот учун, де Йонг жорий мавсум Ла Лигада 12 та учрашув ўтказиб, иккита гол урди ва битта самарали узатмани амалга оширди.