Де Йонг: "Буни вақт кўрсатади!"

"Барселона" ярим ҳимоячиси Френки де Йонг клубдаги келажаги ҳақидаги саволга жавоб берди. Ўтган ойда 28 ёшли футболчи каталонияликлар билан шартномасини 2029 йилгача узайтирган эди.

"Аниқ билмайман, лекин "Барселона"да яна кўп йиллар ўтказишга умид қиламан. Бу ерда ўзимни жуда қулай ҳис қиляпман. Ўйлайманки, бизда яхши жамоа бор ва порлоқ келажак кўряпман. Жамоада ўзимни керакли инсондек ҳис қиляпман. Оилам ва мен бахтлимиз ва узоқ вақт қолишдан хурсанд бўлардим, лекин ишлар қандай бўлишини кўрамиз. Буни вақт кўрсатади", деди нидерландиялик футболчи.

Маълумот учун, Френки 2019 йилдан бери "кўк-анорранглилар" шарафини ҳимоя қилиб келади.