Дел Пьеро: Бу ҳақиқий истеъдодга ишонч

Алессандро Дель Пьеро "Реал"нинг Винисиусга бўлган ишончидан хурсанд. 

"Винисиус - футболдаги иқтидорнинг сўнгги намуналаридан бири. "Реал"даги дастлабки икки йил у жуда ёш эди ва деярли ҳар доим охирги дақиқаларда нотўғри қарор қабул қилди. У одатда керак бўлмаганда дриблинг қилар ва кераксиз паллада зарба йўлларди. 

Хўш, "Реал" нима қилди? Унга ишонди. Анчелотти бразилиялик билан индивидуал тарзда кўп ишлади. Винисиус вазифасини камтарлик билан бажарди ва ҳозир у ҳар қандай ҳолатда ўйин тақдирини ўзгартира олади. 

Бу ҳақиқий истеъдодга ишонч. Мураббийлар ёш ўйинчиларнинг ўсишига ёрдам бериши муҳим", - деди "Ювентус" собиқ ҳужумчиси.