Дембеле Энрикега жиддий эътироз билдирди

«Пари Сен-Жермен» ҳужумчиси Усман Дембеле ўзини етарлича ўйин амалиётига эга эмас, деб ҳисобламоқда.

Париж клуби бош мураббийи Луис Энрике 29 ёшли футболчига тез-тез қўшимча дам олиш беради. Мураббийнинг режасига кўра, Дембеле шундай қилиб муҳим ўйинларга энг яхши жисмоний ҳолатда тайёр бўлиши керак. 

Аммо L'Equipe нашри ёзишича, футболчининг ўзи бу ёндашувдан мамнун эмас. Франциялик ҳужумчига кўра, у оддий, кундалик учрашувларда ҳам кўпроқ майдонга тушиши керак, шунда ўйин амалиётини йўқотмайди ва зарур пайтда 90 дақиқа тўлиқ ҳаракат қила олади.

Жорий мавсумда Усман Дембеле барча мусобақалар доирасида «ПСЖ» таркибида етти ўйин ўтказиб, икки гол урди ва тўртта голли узатма муаллифига айланди.