Денис Истомин финалда қоқилди
Хитойнинг Лиужоу шаҳрида теннис бўйича эркаклар ўртасида “Челленжер“ туркумига кирувчи турнирда мамлакатимизнинг биринчи рақамли теннисчиси Денис Истомин иштирок этди.
 
Денис ҳал қилувчи финал учрашувида испаниялик Алехандро Давидович Фокинага қарши кортга чиқади. Уч сет давом этган мазкур ўйинда теннисчимиз 3:6, 7:5, 6:7 ҳисобида мағлуб бўлди.
 
Шу тариқа мусобақа ғолибига айландан Алехандро 80 рейтинг очкоси ва 7,200 АҚШ долларини қўлга киритди. Финалгача муваффақиятли иштирок этган Денис эса 48 рейтинг очкоси ва 4,240 АҚШ доллари билан тақдирланди.