Дэвид Бенавидеснинг кейинги рақиби маълум !

21 декабрь куни Вашингтонда "Premier Boxing Champions" турнири ўтказилиши режалаштирилган. Мазкур бокс оқшомида ярим оғир вазнда вақтинчалик WBC чемпиони Дэвид Бенавидес Жесси Хартга қарши кураш олиб боради. Кечанинг асосий жанги эса Жервонта Дэвис ва Ламонт Роуч ўртасида бўлиб, улар енгил вазнда WBA чемпионлиги учун рингга чиқишади.

Аммо мазкур мусобақа бошқа санага кўчирилиши ҳам мумкин. Чунки 21 декабрда Тайсон Фьюри ва Александр Усик реванш жангини ўтказади.

Маълумот учун, Дэвид Бенавидес сўнгги жангида Александр Гвоздикни очколар эвазига (117-111; 116-112; 119-109) мағлуб этганди.