Диего Лима: "Ислом Махачев учун муносиб рақиб бор"

Машҳур бразилиялик жангчи Чарлmз Оливейранинг бош мураббийи Диего Лима унинг тарбияланувчиси енгил вазнда UFC чемпиони россиялик Ислом Махачев билан чемпионлик учун яна жанг қилиши керак, деб ҳисоблайди.

“Мен ҳам, Чарльз ҳам чемпионлик учун жанг қилиш имкониятини хоҳлаймиз. Арман четда, камар учун жанг қилишга Чарльздан бошқа ҳеч ким арзимайди. Порье эса Исломга қарши яқинда жанг қилди. Гэтжи нокаутга учради. Арман сафдан чиқди ва енгил вазн тоифасида Махачевга қарши жанг учун Чарльздан бошқа ҳақиқий даъвогарлар йўқ. Биз шу жангни хоҳлаймиз”,- деди Диего Лима Ag. Fight ютуб каналига берган интервьюсида. 

Эслатиб ўтамиз, 13 апрель куни Лас-Вегасда "UFC 300" турнири доирасида бўлиб ўтган сўнгги жангида Чарльз Оливейра Арман Царукянга ҳакамлар қарорига кўра мағлуб бўлган эди.