"Динамо" 2017 йилдан буён илк маротаба ярим финалда!

Ўзбекистон кубоги чорак финалидан ўрин олган илк беллашув бўлиб ўтди. Унда "Динамо" - "Олимпик" билан куч синашди. 

Мазкур беллашувда самарқандликлар 4:3 ҳисобида ғалаба қозонди. Мезбонлар сафида Жоэл Кожо дубль қилган бўлса, Абубакир Мўйдинов ҳамда Муҳаммадбобур Асадуллаев биттадан гол урди. "Олимпиячилар" сафида Алишер Адилов дубль қилди, шунингдек, Саидазамат Мирсаидов битта гол урди. 

Шу тариқа, "Динамо" 2017 йилдан буён илк маротаба ярим финал йўлланмасига эга чиқди. 

Қайд этиш лозим, жамоа айни вақтда Про-лига "Локомотив"дан кейинги иккинчи ўринни банд этиб турибди.