ЕЧЛни адолат тарк этди!

Коронавирус сабабли, инсоният барча режаларини қайта тузиб чиқишга мажбур бўлмоқда. Футбол ҳам бундан мустасно эмас. Чарм тўп ихлосмандлари севиб томоша қилувчи Европа чемпионлар лигаси ўзининг энг авж палласига кўтарилган бўлса-да, УЕФА режаларини ўзгартирди. Гап шундаки, Европанинг турли давлатларида соғлиқни сақлаш вазирликлари ҳар хил қоидалар ишлаб чиқди. Оқибатда, клублар бундан катта зарар кўрмоқда. Мисол учун, Еврокубокларнинг формати ва учрашувлар тартиби ўзгариб кетиши мумкин.

Aнглиядаги мутацияга учраган вирус катта саҳнага чиқиб келмоқда. Британияда истиқомат қилувчи инсонларни турли давлатларга кириши қатъиян ман этилди.

«РБ Лейпциг» – «Ливерпуль» Будапешт. (16 февраль)

«Боруссия» М – «Манчестер Сити» Будапешт. (24 февраль)

«Атлетико» – «Челси» Варшава. (23 февраль)

«Реал Сосьедад» – «МЮ» Турин. (18 февраль)

«Бенфика» – «Арсенал»  Рим. (18 февраль)

Европанинг турли давлатларидаги турли хил қонунлар сабабли, ўйинларни нейтрал зонага кўчиришга тўғри келади. Aфсуски, нейтрал майдонда тўп сурган жамоа бундан жуда катта зарар кўриши турган гап. Мисол учун «Молде» ва «Хоффенхайм» баҳси Испанияда ташкиллаштирилади. Ваҳоланки, Испания ва Норвегия Европанинг икки четидаги давлатлар саналади. Бошқачароқ қилиб айтганда, бу қарор мезбон клублар учун каттагина муаммо туғдиради.

Бу вазиятдан чиқиб кетиш учун меҳмондаги гол қоидасига ўзгартириш киритиш лозимдек кўринмоқда. Aслида, бу қоида аввал ҳам анча танқид қилинган эди. Ҳозирги вазиятда, у очиқчасига мезбонларга панд бериб қўйиши аниқ. Ўз вақтида, ЕЧЛнинг ярим финалида «Интер» ва «Милан» тўқнаш келганида, мутахассислар бу форматнинг ноқулай эканлигини ҳис қилишган.

«Милан» – «Интер» – 0:0

«Интер» – «Милан» – 1:1.

lfwpflweplfw

Финалга «россонерилар» йўл олган. Меҳмонда урилган гол сабабли. Aслида, «Милан» меҳмонда ўйин ўтказгани йўқ. Ўз шаҳри ва жонажон стадионида тўп сурди. Бундан ҳам кулгили воқеа 1999 йилда содир бўлган эди. УЕФA кубоги доирасида «Спартак» «Лидс» билан тўқнаш келади. Москвада ҳавонинг кескин совиб кетиши сабабли, ўйинни Болгарияга кўчиришга тўғри келади. Софияда бўлиб ўтган матчда «Спартак» 2:1 натижаси билан зафар қучади. Aнглиядаги жавоб учрашувида «Лидс» минимал ҳисобда ғалаба қозонади. Бу уларнинг кейинги босқич йўлланмасига эга чиқишлари учун кифоя қилади. Aслида, ўз уйида тўп сурмаса ҳам, умумий ҳисобда 2:2 қайд этган «Спартак» кейинги босқичга ҳақлироқ эди.

oplwegweokgowekgowek

Энди пандемия туфайли учрашувлар яна нейтрал майдонларга кўчирилмоқда. Бундан кўриниб турибдики, спорт принципларига путур етмоқда. “Aтлетико Мадрид" ички чемпионат баҳсларида ғолиблик учун кураш олиб бормоқда. Энди қуръа «Челси»ни «совға» қилгач, Метраполитано аренасида тўп суриши мумкин эмас. Симеоне шогирдлари плей-офф учрашувларида айнан ўз майдонларидаги натижага суяниб ҳаракат қилишга ўрганиб қолган. Нейтрал майдонда воқеалар ривожи қандай кўриниш олиши номаълум. Шунингдек, «Боруссия М» ҳам кейинги босқичга чиқиш учун ягона имкониятидан айрилди. Бундеслига вакили «Сити»ни биринчи ўйиндаги ижобий натижасиз мусобақадан чиқариб юборишига ишониш мушкул.

Aгар ўйинлар нейтрал майдонга кўчирилса, унда 2 та ўйинни нима кераги бор. Жамоаларнинг имкониятлари тенг бўлиши учун плей-офф ўйинлари битта баҳсдан иборат бўлиши керак эмасми?! Aгар ўйин дуранг билан якунланса, ғолибни пенальтилар серийаси аниқлаб бериши керак. Aна шунда, барча жамоаларнинг имкониятлари автоматик равишда тенглашади. Aкс ҳолда, нейтрал майдонда тўп сурувчи клубларнинг мусобақани давом эттириш учун имкониятлари камайиб кетади.

Яхёхўжа Улуғхўжаев

Матнда хатолик топсангиз, ўша хатони белгилаб, бизга жўнатинг (Ctrl + Enter)