"Эл-класико" олдидан Зинедин Зидан иштирокидаги матбуот анжумани

Мадриднинг "Реал" клуби бош мураббийи Зинедин Зидан Ла Лиганинг 7-турида бўладиган "Барселона"га қарши "эл-класико" олдидан ўз фикрларини билдириб ўтди. Бу ҳақда клуб матбуот хизмати хабар берди.

- Класико бу - класико. Икки яхши жамоа ўзаро курашадиган ўйин. Вазият ва бўш стадионга қарамай, яхши ўйин бўлади. Ўзгаришларга қўл урмоқчимиз. Ўз ўйинимизни намойиш қилишга уринамиз.

"Барселона" ҳақида? Бу ҳар қандай мураббий билан доимо кучли бўлган жамоа. "Барселона" ҳар доим "Барселона". Яхши футбол ўйнашни биладиган ва сизга ҳар вақт қийинчилик туғдира оладиган жамоа.

"Реал"нинг "Барселона"га қарши ўйин учун қайдномаси. Зидан қайси футболчиларни "эл-класико"га жалб қилди? (Фото)

Зидан "эл-класико"да жамоанинг асосий футболчиси иштирок этиши масаласига ойдинлик киритди

Тафсилотларга тўхталмайман. Қийин учрашув кутаётганини аниқ биламан ва бу ўзига яраша яхши. Майдонга чиқиб, бошиданоқ мураккаб бўладиган беллашувни ўтказамиз, - деди Зинедин Зидан.

"Барселона" - "Реал" ўртасидаги "эл-класико" 24 октябрь куни Тошкент вақти билан 19:00да бошланади.