Эль-Шааравий Италияда янги клуб топди

Италиялик ҳужумчи Стефан Эль-Шаарави фаолиятини «Дженоа» клубида давом эттириши мумкин. Бу ҳақда ижтимоий тармоқларда журналист Николо Скира хабар берди.

Инсайдер маълумотига кўра, футболчи жамоага эркин агент сифатида қўшилишига яқин. Томонлар ҳозирда 2028 йилгача мўлжалланаётган меҳнат шартномаси шартларини муҳокама қилмоқда.

33 ёшли форварднинг сўнгги клуби «Рома» эди. Ўтган ёзда унинг римликлар билан тузган шартномаси муддати якунланди ва у эркин агент мақомини қўлга киритди.

Италия чемпионатининг ўтган мавсумида Стефан 20та ўйинда майдонга тушди. Эль-Шаарави ўз ҳисобига бир гол ва икки голли узатма ёзди.