Энди бизга Месси керакмас!

“Барселона” раҳбарияти қишки трансферлар вақтида Лионель Мессини ижарага олиш вариантини кўриб чиқмаяпти.

Mundo Deportivo нашрининг таъкидлашича, Каталония клубида аргентиналик юлдузни трансфер қилиш имкони йўқ. Бунга клубнинг молиявий аҳволи ва фэйр-плей билан боғлиқ вазият йўл қўймайди.

Бундан ташқари, Мессининг ўзи ҳам “Барселона”га қайтиш истагида эмас.

Ёзда Лионель Мессининг ПСЖ билан шартномаси тугаганидан кейин "Барселона" уни жамоага қайтаришни режалаштирган эди. Жаҳон чемпионининг ўзи ҳам Каталонияга қайтиш истагини билдирган. Бироқ каталонияликлар молиявий муаммоларни ҳал қила олмагани учун Мессига расмий таклиф юбормаган. Охир-оқибат аргентиналик юлдуз АҚШга йўл олиб "Интер Майами" билан шартнома тузди. 

Маълумки, “Интер Майами” миллий чемпионатнинг плей-офф босқичига чиқа олмади. Шунинг учун Месси ва унинг жамоадошлари янги мавсум бошлангунга қадар ишсиз юради.