Энди “Реал”дан кетмайман

Мадриднинг “Реал” клуби ярим ҳимоячиси Эдуарду Камавинга яқинлашиб келаётган ёзда жамоасини тарк этиш режасидан қайтди.

Бу ҳақда Marca нашри хабар бермоқда.

Футболчи ёзда бошқа ҳеч бир клуб билан ҳамкорлик бўйича музокара олиб боришни истамаяпти, аксинча, у янги бош мураббий қўл остида “Реал”даги ҳолатини ўзгартиришни хоҳламоқда.

Таъкидланишича, ярим ҳимоячи ҳамон “Қироллик клуби” президенти Флорентино Перес билан яхши муносабатда.

Ўтган мавсумда Камавинга барча мусобақаларда 43 та ўйинда қатнашиб, икки гол ва битта ассист қайд этди. Футболчининг клуб билан амалдаги меҳнат шартномаси 2029 йил ёзигача мўлжалланган. Transfermarkt портали маълумотига кўра, унинг бозор қиймати 50 миллион еврони ташкил этади.