Энди Руиснинг мураббийини Ўзбекистон билан нима боғлайди?

Хабарингиз бор, мексикалик боксчи Энди Руис яқиндгина Энтони Жошуани мағлуб этиб, мексикалик биринчи оғир вазн тоифасидаги чемпионга айланган эди. Мазкур боксчининг эришган натижасида унинг мураббийи Менни Роблеснинг хиссаси беқиёсдир. Айнан, ушбу мураббийнинг Ўзбекистон билан боғлаб турадиган ўзига хос ришталари бор. Яъни Менни Роблес ҳамюртимиз тажрибали мураббий, халқаро тоифадаги ҳакам Набижон Исмонов билан қадрдон дўст ҳисобланади. Қуйидаги видеолавха орқали ўзингиз ҳам бунга амин бўлишингиз мумкин.