Endrik uchun La Ligadagi uch da'vogar jamoa e'lon qilindi

«Real» tarkibiga yaqinda qo‘shilgan, 20 yoshli braziliyalik hujumchi Endrik kelasi mavsumni boshqa jamoada o‘tkazishi mumkin. Bu haqida Mundo Deportivo nashri xabar bermoqda.

Manbaga ko‘ra, yosh forvard doimiy o‘yin amaliyotiga ega bo‘lishni istamoqda. Ammo «qirollik klubi» bosh murabbiyi Joze Mourinyo hujum chizig‘idagi kuchli raqobat tufayli unga doimiy tarkibda joy kafolatlay olmadyapti.

Nashr ma’lumoticha, Endrik uchun asosiy da’vog‘ar sifatida «Real Sosyedad» tilga olinmoqda. San-Sebastyan klubi hujumchini ijara olish niyatida. Shuningdek, Endrikni ma’lum muddatga o‘z safiga qo‘shib olish variantini «Betis» va «Vilyarreal» ham ko‘rib chiqmoqda. Ushbu uchala jamoa ham kelasi mavsum evrokuboklarda ishtirok etadi. Shu bois, yuqori darajada o‘ynash imkoniyati yosh braziliyalik forvard uchun jiddiy omil bo‘lishi mumkin.