Эндрикка янги жамоа топилди

«Реал» ҳужумчиси Эндрик қишки трансфер ойнасида жамоасини ўзгартириши мумкин. Агар у Мадрид клубида етарлича ўйин амалиётига эга бўлмаса, 20 ёшли бразилиялик учун энг эҳтимолий йўналишлардан бири сифатида «Рома» тилга олинмоқда.

Madrid Universal нашри италиялик журналист Жакопо Алибрандига таяниб хабар беришича, Эндрик қишда Рим клубига ўтиши мумкинлиги ҳақида аллақачон яқинлари билан гаплашган. Шу билан бирга, ҳозирча «Реал» ва «Рома» ўртасида расмий келишув ёки аниқ музокаралар йўқ.

Эндрик яқинда «Лион» сафидаги муваффақиятли ярим йиллик ижарасини якунлаб, Мадридга қайтди. Франция чемпионатида у 15 ўйинда майдонга тушиб, 5 та гол урди ва 7 та голли пас муаллифига айланди.