Энг кучли самбочилар Тошкентда беллашади

17-18 март кунлари самбо бўйича Миллий Олимпия қўмитаси совринига бағишланган Республика турнири бўлиб ўтади. Унда мамлакатимизнинг ҳар бири вилоятидан ҳар бир вазн тоифасида энг камида 2, кўпи билан 4 спортчи қатнашади.

Мазкур беллашувларда эркаклар 9 вазн тоифасида – 52, 57, 62, 68, 74, 82, 90, -100 ва +100 кг. куч синашса, аёллар эса 48, 52, 56, 60, 64, 68, 72, 80, +80 кг.да ғолиблик учун кураш олиб боришади.

Мусобақалар Тошкент шаҳридаги “Универсал” спорт саройида ташкил этилади. Унда 2018 йилда бўладиган Осиё ўйинларига захира таркиб спортчилари аниқлаб олиниши режалаштирилган.