Энг ёш гроссмейстер рекорди янгиланишига бир қадам қолди

Айни пайтда Москвада Аэрофлот Опен 2026 турнири бўлиб ўтмоқда. Унда Фаустино Оро Абҳиманю Мишранинг энг ёш грооссмейстер рекордини янгилаш учун курашни давом эттирмоқда. 6-турдаги мағлубиятдан сўнг, кеча у кетма-кет икки ғалабага эришди.

Баъзи вазиятларда Орога омад ҳам кулиб боқди. Масалан, кечки турда унинг рақиби — озарбайжонлик ИМ Вугар Талибов аввал 41...Ке7! юришини қилиб, сўнг рухни д6 га олиб келиб дуранг қилиш имкониятига эга эди. Аммо у дарҳол 41...Рд6 ўйнади ва бу хато бўлди.

Давомида 42.Нхc6 Бхc3 43.Рc1 Рхе6+ 44.Кд5 Ре3 45.Нха7 юришлари қилинди ва  оқ доналар ғалабага эришди.

Ҳозир Оро ҳисобида 5,5/8 очко бор. Гроссмейстер нормаси учун унга бугунги турда ғалаба керак.

Ҳал қилувчи рақиб ҳам маълум: у россиялик гроссмейстер, 18 ёшгача бўлганлар ўртасида жаҳон чемпиони (2023) Алексей Гребнев (2621) бўлади.