Эплолмадинг! Альварес агентини ишдан ҳайдади

Мадриднинг «Атлетико» клуби ҳужумчиси Хулиан Альварес сўнгги трансфер ойнасида юз берган воқеалардан сўнг ўз агентини алмаштиришга қарор қилди.

Аргентиналик футболчи ёзги трансфер даврида унинг келажагига оид масалалар қандай ҳал этилганидан қониқмаган. Журналист Рубен Уриянинг хабар беришича, 26 ёшли форвард Фернандо Идальго билан ҳамкорликни тўхтатган. Маълумотларга кўра, Альварес ўз вакили фаолиятидан ранжиб, унинг хизматларидан воз кечган. Яқин кунларда футболчига янги агент топилиши кутилмоқда.

Ёзда Альварес «Барселона» сафида ўйнашни истаган, каталонияликлар эса унинг трансфери учун жиддий ҳаракат қилган эди. «Барселона» аргентиналик ҳужумчи учун 100 миллион евро таклиф қилган, аммо «Атлетико» жамоа етакчиларидан бирини қўйиб юборишга рози бўлмаган.