Эрондан хушхабар!

Ўзбекистон терма жамоаси ва "Персеполис" вингери Остон Ўрунов жароҳатидан фориғ бўлиб, сафга қайтди. Футболчи айни дамда машғулотларда иштирок этмоқда.

24 ёшли легионеримиз 21 январь куни Эрон чемпионати доирасидаги "Зоб-Аҳан" жамоасига қарши ўйиннинг 27-дақиқасида жароҳат олиб майдонни тарк этган эди.

Эслатиб ўтамиз, Ўзбекистон терма жамоаси март ойида ЖЧ-2026 саралаши доирасида Қирғиз Республикаси ва Эрон билан ўйнайди. Ушбу беллашувлар олдидан Ўруновнинг сафга қайтгани мухлисларимиз учун хушхабар бўлди.