Фабрицио Романо: Вирц "Челси"га ўтмайди

"Ливерпуль" ва Германия терма жамоаси ярим ҳимоячиси Флориан Вирц фаолиятини "Челси"да давом эттирмайди. Бу ҳақда таниқли инсайдер Фабрицио Романо ижтимоий тармоқлар орқали маълум қилди.

Манбага кўра, Лондон клуби раҳбарияти германиялик футболчини трансфер қилиш вариантини кўриб чиқмаяпти. Шу сабабли Вирц "Ливерпуль" сафида қолади. Футболчи клубда катта ишончга эга экани таъкидланган.

Ўтган мавсум Англия Премьер-лигасида 23 ёшли футболчи мерсисайдликлар сафида 33 та учрашувда майдонга тушди.

Ушбу баҳсларда Вирц 5 та гол урди ва 3 та голли узатмани амалга оширди.

Transfermarkt портали маълумотларига кўра, футболчининг трансфер қиймати 100 миллион еврога баҳоланмоқда.