Файзуллаевнинг легионер жамоадошлари нега рақам алмаштиряпти?

Аббосбек Файзуллаев билан бирга ЦСКА шарафини ҳимоя қилаётган легионер футболчилар янги мавсум олдидан рақамларини алмаштирди.

Ўтган йили жамоа сафига қўшилган бразилиялик Келлвен 2-рақамдан воз кечиб 13 сонини танлади.

- “13” мен учун оддийгина рақам эмас, балки айнан мана шу сон остида профессионал фаолиятимдаги илк учрашувни ўтказганман, - деди Келлвен.

Чилилик ярим ҳимоячи Виктор Мендес 88 рақами ўрнига 34-рақамда ўйнайдиган бўлди.

- Рақамимни ўзгартиришга қарор қилдим ва фаолиятимни бошлаганимдаги рақам – “34”ни танладим. Бу рақам билан яхши хотираларим боғлиқ, - деди Виктор Мендес.

Эслатиб ўтамиз, Аббосбек Файзуллаев “Пахтакор”дан ЦСКАга ўтганидан кейин 21-рақамда тўп тепишни маъқул кўрган ва янги чемпионатда ҳам айнан шу рақамли футболкада ҳаракат қилади.