Фэрнанда Эррера - Осиё чемпиони!

Кувайтда қиличбозлик бўйича ёшлар ўртасидаги Осиё чемпионатининг яна бир куни Ўзбекистон терма жамоаси учун муваффақиятли якунланди. Саблячи қизлар ўртасидаги баҳсларда юртдошимиз Фернанда Эррера олтин медалга эга чиқди.

Эррера мусобақа давомида Саудия Арабистони, Япония, Сингапур ва Хитой вакилларини мағлубиятга учратишга эришди. Шунингдек, терма жамоамиз аъзолари Гулистан Пердебаева, Аякўз Жумамуратова ҳамда Самира Шокирова кучли ўнликдан жой олган. Бугун жамоавий дастурдаги баҳслар бошланади.